रायडींग आणि अध्यात्म

माझ्या मते रायडींग आणि अध्यात्म वेगळे नाहिच. भक्ती मार्गात जशी तल्लीनता, ध्यास, प्रेम, एकाग्रता गरजेची आहे, रायडींगच्याबाबातीतही  ह्या गोष्टी महत्वाच्या आहेत. भक्तीमध्ये अहंकार कामी येत नाही, तसेच रायडींगमध्येही. भक्ती करताना लागत त्याप्रमाणेच रायडींग करत असतानासुद्धा मन,बुद्धी आणि देह ह्या तीनही गोष्टी एकरूप व्हाव्या लागतात. 

मला बाइक्सची दोन्ही चाके ही श्रद्धा आणि सबुरीची वाटतात. कारण अध्यात्म असो किंवा व्यवहार किंवा मग माझी रायडींग असो..श्रद्धा आणि सबुरीची चाके महत्त्वाची असतात. त्याशिवाय माझी जीवनाची गाडी चालूच शकत नाही.